CDU-SCU pro anëtarësimit të Shqipërisë në BE

 CDU-SCU pro anëtarësimit të Shqipërisë në BE

Grupi më i madh politik në Gjermani, CDU-SCU, është shprehur pro hapjes së bisedimeve për anëtarësimin e Shqipërisë në Bashkimin Evropian, me 75 vota pro e 25 kundër.

Ky ishte votim i draft-dokumentit që do të votohet të enjten në Bundestag.

Lajmin e ka përshëndetur kryeministri shqiptar Edi Rama.

“Lajm i mirë! Faleminderit të gjithë deputetët e CDU/CSU që më në fund votuan pro hapjes së negociatave. Ata që votuan kundër do t’i bindim në çdo hap me fakte se Shqipëria e meriton hapjen e negociatave. Faleminderit Angela për mbështetjen e pakursyer për Shqipërinë”, ka shkruar ai në Twitter.

Dokumenti i votuar sot, sipas tch, ka 9 kërkesa ndaj Shqipërisë.

Këto janë 9 këkesat:

– funksionimi i Gjykatës së Lartë dhe Gjykatës Kushtetuese

– miratimi i reformës zgjedhore;

– implementimi i reformës zgjedhore;

– ndjekja penale e gjykatësve dhe e prokurorëve që nuk e kanë kaluar provimin e Vettingut;

– ndjekja penale e akuzave për shitblerjen e votave;

– vënia në punë e prokurorisë speciale për luftimin e korrupsionit, SPAK,

– rezultate në luftimin e korrupsionit dhe krimit të organizuar, përfshirë edhe kapja dhe ndjekja penale e personave kyç të krimit, të të ashtuquajturve “peshq të mëdhenj”;

– përparime në reformën e administratës publike;

– sqarimi përfundimtar me vendim të Gjykatës Kushtetuese i ligjshmërisë së zgjedhjeve lokale të 30 qershorit 2019.

WP2Social Auto Publish Powered By : XYZScripts.com