Dokumentari që po i bën njerëzit të heqin dorë nga mishi (Video)

 Dokumentari që po i bën njerëzit të heqin dorë nga mishi (Video)

Pjesë e Netflix është edhe një dokumentar që mban emrin “The Game Changers”, i cili është përfolur shumë.

Njerëzit që e kanë parë, kanë vënë në dyshim regjimet e tyre ushqimore dhe kanë marrë në konsideratë një dietë vegane, pra që bazohet vetëm në ushqime me natyre bimore.

Ja çfarë përpiqet të përcjellë dokumentari, përpiluar nga BuzzFeed, që qartësoi se këto deklarata nuk janë kontrolluar për vërtetësi.

1. Të gjitha proteinat e kanë origjinën nga bimët. Proteinat në mish burojnë nga bimët që ka ngrënë kafsha kur ishte gjallë.

2. Personat që hanë dieta me bazë bimore konsumojnë 70% më shumë proteina nga ç’kanë nevojë.

3. Ndërsa mishngrënësit marrin më shumë se gjysmën e nivelit të proteinave nga bimët dhe jo nga mishi.

4. Kur dikush ha mish rregullisht, në arteriet koronare fillojnë të formohen pllaka.

5. Pllakat, jo vetëm që limitojnë funksionimin e arterieve, por edhe bllokojnë qarkullimin e gjakut dhe i vështirësojnë punën zemrës.

6. Kur proteina me origjinë shtazore gatuhet,ruhet dhe tretet nga bakteret e zorrëve, formohen përbërje inflamatore që i bëjnë dëm sistemit kardiovaskular.

7. Njerëzit që hanë vetëm ushqime me natyrë bimore pakësojnë rrezikun e sëmundjeve të zemrës me 55%.

8. E vetmja dietë që zhbën sëmundjet e zemrës është ajo me natyrë bimore.

9. Një mjek i quajtur Aaron Spitz thotë se konsumimi i mishit ndikon në gjatësinë dhe fortësinë e ereksioneve te burrat.

10. Në dokumentar, tre burra hëngrën burrito me mish një ditë dhe tjetrën burrito me perime. Shkencëtarët monitoruan ereksionet e tyre gjatë natës dhe dolën në përfundimin se pas konsumimit të perimeve, ereksionet ishin më të fortë, më të shpeshtë dhe zgjasnin më shumë.

11. Një vakt i vetëm me natyrë bimore ndryshon qarkullimin e gjakut në gjithë trupin. Një analizë gjaku e lojtarëve të një skuadre futbolli nxori në pah sa shumë yndyrë dhe turbullirë kishte në gjak pas një vakti me mish krahasuar me një vakti me perime.

12. Shumë atletë profesionistë, nga luftëtarët e UFC deri tek lojtarët e NFL, madje edhe ata në garat olimpike,mbajnë diete me bazë bimore.

13. Mishi, bulmeti, vezët dhe peshqit përdorin 83% të burimeve tokësore, por u falin konsumatorëve vetëm 18% të kalorive. Gjëja e gjallë kërkon shumë tokë për t’u rritur dhe për t’u ushqyer. Madje, konsumojnë gjashtë herë më shumë proteinë nga ç’prodhojnë. Në fjalë të tjera, kafshët kërkojnë hapësira masive toke.

WP2Social Auto Publish Powered By : XYZScripts.com