Guvernatori indian: Muslimanët të ushqehen me plumba

 Guvernatori indian: Muslimanët të ushqehen me plumba

Kreu i një province indiane të lidhur me qeverinë e kryeministrit Narendra Modi ka provokuar ndjenjat anti-muslimane në shtetin e tij duke kërkuar shtypjen e protestuesve muslimanë ndaj një ligji të ri të qytetarisë në shtetin e tij.

Ministri provincial Uttar Pradesh, Yogi Adityanath, i përmendur dhe më parë për nxitje të urrejtjes kundër muslimanëve indianë, u tha mbështetësve të tij se protestuesit ndaj legjislacioni ishin “terroristë” që duhet të ushqehen “me plumba e jo me birjani”, duke iu referuar pjatës më të përdorur të orizit nga muslimanët indianë.

Amendamenti i ligjit të kontestuar është mbështetur nga partia e djathtë e kryeministrit Modi dhe ka shkaktuar protesta të gjera ku të paktën 30 vetë janë vrarë. Ligji lejon dhënien e qytetarisë indianë për miliona refugjatë të ardhur ligjërisht ose ilegalisht nga Pakistani, Bangladeshi, ose Afganistan përveç muslimanëve.

Por Adityanath nuk donte t’ia dinte: “Protestat që po ndodhin në vende të ndryshme nuk janë kundër ligjit të qytetarisë, por sepse këta njerëz kërkojnë që India të bëhet një superfuqi”.

WP2Social Auto Publish Powered By : XYZScripts.com