Këshilltari i ASH-së kërkon që gjimnazi shqiptar në Kumanovë të dislokohet tek SH.F “Vuk Karaxhiq” që ka 112 nxënës – AlbMania    
     

Këshilltari i ASH-së kërkon që gjimnazi shqiptar në Kumanovë të dislokohet tek SH.F “Vuk Karaxhiq” që ka 112 nxënës

 Këshilltari i ASH-së kërkon që gjimnazi shqiptar në Kumanovë të dislokohet tek SH.F “Vuk Karaxhiq” që ka 112 nxënës

Këshilltari i Aleancës për Shqiptarët (ASH) në Kumanovë, Osama Muadini kërkoi nga autoritetet komunale që gjimnazi “Sami Frashëri” që funksionon në hapësirat e ish-kombinatit bujqësor ZIK, të dislokohet në ndërtesën e shkollës fillore “Vuk Karaxhiq”.

Kjo kërkesë e tij është pritur ashpër nga ana e kolegëve të tij të partive maqedonase. Por Muadini ka arsyetuar kërkesën e tij duke thënë se në shkollën fillore “Vuk Karaxhiq” mësojnë vetëm 114 nxënës, ndërsa këtë vit janë regjistruar vetëm 9 nxënës në klasë të parë, ndërsa ka shumë hapësira të mëdha. Sipas tij, duhet një zgjidhje për gjimnazistët shqiptarë që tani janë mbi 1200. “Kërkoj që statuti i shkollës fillore të dërgohet në Ministrinë e Arsimit dhe të shihet se kjo shkollë a mund të funksionojë me aq numër të vogël të nxënësve. I bëj thirrje ministrit të merret me statutin e kësaj shkolle”, theksoi Muadini, duke thënë se njëherë e përgjithmonë do të zgjidhet fati i gjimnazit shqiptar në Kumanovë që po funksionon në kushte të mjerueshme.
Por kryetarja e këshillit komunal, Atina Murgashanska nga LSDM tha se këshilltari i ASH-së po bën marketing politik dhe se po keqpërdoret foltorja për qëllime politike. Ajo ka thënë se këshilli ka bërë përpjekje për të zgjidhur problemin me gjimnazin “Sami Frashëri”. (INA)