LSDM: VMRO-DPMNE-ja është organizatore e dhunës së 27 prillit

 LSDM: VMRO-DPMNE-ja është organizatore e dhunës së 27 prillit

Nëpërmjet një njoftimi të LSDM-së thuhet se “aktakuza po e vërteton, VMRO-DPMNE është organizatore e dhunës së 27 prillit”.
“Vendimi i Gjykatës Penale që të pranojë aktakuzë kundër Trajko Veljanoski, Mile Jankeskit, Spiro Rostovski dhe Vlladimir Atanasov për organizim të dhunës së 27 prillit është vërtetim se VMRO-DPMNE qëndron pas hyrjes së dhunshme në Kuvend”, shprehen nga LSDM.

Sipas tyre, këto janë figura të Nikolla Gruevskit dhe bashkëpunëtorë të Mickoskit.
“Mickoski jo vetëm që nuk u distancua nga dhunuesit, por ai dhe VMRO-DPMNE-ja e tij, por edhe mentori i tij nga Budapesti publikisht i përkrahin”, shprehen nga LSDM.

Ata shtojnë se 27 prilli është fytyra e vërtetë e regjimit dhe e VMRO-DPMNE-së kriminale ndërsa Mickoski me vazhdimin e politikave të Gruevskit, sipas LSDM-së, nuk ofron asgjë përveç mbrojtjes së krimit dhe dhunës.
“Për këtë shkak VMRO-DPMNE dhe Mickoski duhet të jenë të gatshëm për disfatë më 12 prill. Qytetarët s’do lejojnë kthim të regjimit, kthim të dhunës dhe ndarjeve”, shprehen duke thënë se në procedurë të hapur gjyqësore duhet të dënohen ata që kanë organizuar, porositur dhe zbatuar dhunën e 27 prillit.

WP2Social Auto Publish Powered By : XYZScripts.com