Mustafa: Nuk duhet lejuar asnjë votë të paligjshme në Kosovë

 Mustafa: Nuk duhet lejuar asnjë votë të paligjshme në Kosovë

Kreu i LDK-së Isa Mustafa ka kërkuar nga KQZ-ja të trajtojë ligjshmërinë e votave të ardhura në pliko nga Serbia, për Listën Serbe.

Sipas tij paralajmërimi se votat e ardhura nga Serbia, do të hyjnë në numërim pa një vendim të KQZ-së, se a i plotësojnë ato kushtet ligjore, hapë rrugë për të legalizuar kontrabandimin e votës edhe në të ardhmen.

Postimi i plotë i Mustafës:

Si Kryetar i LDK-së kërkoj nga KQZ-ja të trajtojë ligjshmërinë e votave të ardhura në pliko nga Serbia, për Listën Serbe. Paralajmërimi se këto vota do të hyjnë në numërim, pa një vendim të KQZ-së se a i plotësojnë ato kushtet ligjore, hapë rrugë për të legalizuar kontrabandimin e votës edhe në të ardhmen. Një gjë e tillë u tentua të bëhet në zgjedhjet e kaluara lokale në Istog, por organet ligjore parandaluan makinacionet e tilla që deformojnë vullnetin politik të qytetarëve të Kosovës. Nuk duhet lejuar asnjë votë të paligjshme në Kosovë. IM