Publiku shqiptar votoi edhe për Serbinë, këto janë pikët që ia dha në finale të “Eurovisionit” – AlbMania      

Publiku shqiptar votoi edhe për Serbinë, këto janë pikët që ia dha në finale të “Eurovisionit”

 Publiku shqiptar votoi edhe për Serbinë, këto janë pikët që ia dha në finale të “Eurovisionit”

Mbrëmë është mbajtur finalja e “Eurovision Song Contest 2022” në Torino të Italisë.

Ukraina ka zënë vendin e parë ndërsa Serbia ka zënë vendin e pestë.

Në formatin e ri të viteve të fundit, përveç votave të publikut, voton edhe juria profesionale e shteteve të ndryshme.

Kështu, festivali fillimisht i njofton votat e jurisë për çdo shtet, nga 1 deri në 12 pikë, ndërsa votat e publikut si total dhe audienca fillimisht nuk e di saktë se si ka votuar publiku i secilit shtet për këngët.

Sot janë publikuar pikërisht në detaje votat e publikut dhe kështu ne mund ta shohim se si ka votuar edhe publiku nga Shqipëria.

Publiku shqiptar i ka dhënë 1 pikë Moldavisë, 2 pikë Norvegjisë, 3 pikë Serbisë, 4 pikë Britanisë së Madhe, 5 pikë Estonisë, 6 pikë Holandës, 7 pikë Spanjës, 8 pikë Italisë, 10 pikë Ukrainës dhe 12 pikë Greqisë.

Kujtojmë se Shqipëria me Ronela Hajatin nuk është kualifikuar në finalen e “Eurovisionit”.