Rritet numri i të helmuarve në Deçan, 310 veta kërkuan ndihmë mjekësore gjatë 24 orëve

 Rritet numri i të helmuarve në Deçan, 310 veta kërkuan ndihmë mjekësore gjatë 24 orëve

Drejtori i Qendrës së Mjekësisë Familjare në Deçan, Selmon Berisha, ka deklaruar se në 24-orëshin e fundit edhe 310 qytetarë kanë kërkuar ndihmë mjekësore me po të njëjtat simptoma.

“Në 24 orët e fundit janë lajmëruar gjithsej 310 pacientë me simptoma të njëjta siç kanë qenë ditë më parë”, tha ai para mediave.

Berisha tha se që nga data 10 deri më 14 korrik janë gjithsej 1 mijë e 62 pacientë të lajmëruar.

Ndërsa, prej orës 07:00 deri në orën 11:00 Berisha konfirmoi se janë 55 pacientë që kanë kërkuar ndihmë mjekësore.

Qindra persona janë helmuar në komunën e Deçanit prejse janë lajmëruar rastet e para, 4 ditë më parë. Ndonëse dyshimet e para u orientuan nga helmimi me ujë të pijshëm, pas analizave të mostrave të ujit IKSHPK-ja doli me deklaratë se uji në zonat ku është dyshuar për helmim është brenda normave, raporton Zeri.info.